Final-ah Chanmari FC Vs Aizawl FC

MPL Under 17-ah nimin khan league round khelh zawh a ni a, final-ah Chanmari FC leh Aizawl FC te an inhmachhawn dawn. Nimin khan Aizawl FC-in match hmasa berah Project Veng 5-1 in an sawp a, FC Venghnuai pawhin Chhinga Veng 5-2 in an hneh ve bawk.

AFC leh Venghnuai te hian point 15 ve ve an hmu a, head to head-ah AFC an ṭha zawk. Inkhel tawp berah Chanmari FC-in an elpui Electric Veng FC an hneh a, pakhatna an ni. EFC hi chak zawk se chuan pakhatna an ni ang a, Chanmari hi goal difference hmangin semifinal an lut tho ang.

Mahse, Chanmariin pakhatna ni chunga final khelh an duh a, hnehna an chan vanga final lut Aizawl FC nen nomawi an inchuh dawn. CFC hian league round-ah AFC hneh mah se final-ah erawh a bul aṭanga khelh tur a nih avangin eng result pawh thleng thei a ni.

Nomawi inchuhna hi May 22, Nilaini chawhnu dar 1:00 hian 1st Bn MAP Ground-ah khelh a ni ang.