Goal khung tam ber Haaland

Erling Haaland-a'n season ṭha ber a hmang lo a, Premier League match 31 chauh a khel chungin goal 27 a khung pha tho. Norwegian striker Haaland hi a kum zawnin top scorer a ni a, chutihrualin Phil Foden-a hming lam hmaih a thiang lo.

Foden hian season tawp niah goal hnih a khung ringawt lo a, penalty tel miah loin tun season-ah goal 19 a khung a, assist vawi riat a nei tel bawk. English midfielder Foden hi Man City academy chhuak a ni a, a zirpui ṭhin Cole Palmer pawhin Chelsea jersey haiin goal 22 a khung a, goal khung tam ber dawttu a nih bakah assist vawi 11 zet a nei bawk.