Pro Volleyball: Hmeichhe league round an khel zo

Tualchhung volleyball inelna lian Ather Pro Volleyball League 2024 khelh laia hmeichhe huangah league round an khel zo a, a chung berh champion lai Luangmual an awm.

Nilaini zan khan LPS Arena, Falkland-ah Serkawn chuan an khingpui Bungkawn chu 13-15, 16-14, 11-15, 15-6, 15-13 (3-2) in an hneh a; pathumna ni chungin league an khar a, Bungkawnin palina ni chungin league an zo ve thung a ni.

Tun season PVL-ah hian hmeichhe inelna kalphung an ti danglam a, match tinah set nga an khel zo zel a, an set lak dana zirin point pek ṭhin an ni bawk.

Match vawi li ṭheuh an khelh hnuah Luangmual chuan point 14 hmuin a chung berah an awm, an hnuaiah hian - Diakkawn, Serkawn leh Bungkawn te an awm a, chak nei loin Durtlang chu a mawngphah an ni thung.

Mipa lamah erawh league round khelh mek zel a la ni, nizan khan Chhinga Veng Spikers leh Durtlang North inkhelin result kan hre hman lo. Zanin hian Mizo hlanga khel pahnih Thutak Nunpuitu Team (TNT) leh Hlimen te an inkhel dawn, a hmuhnawm khawp ang.