Celtic an champion leh ta

Scottish Premiership-ah ropui takin Celtic an leng zel - Nilaini zan khan Kilmarnock chu 5-0 in an sawp a, league match khat khelh tur la awm mah se, um phak theih an nih tawh loh avangin an champion.

Celtic tan Matt O'Riley chuan goal hnih khungin, Adam Idah, Daizen Maeda leh James Forrest ten goal khat ṭheuh an khung bawk a, Kilmarnock lamin a chhanletna tur an nei lo.

Scottish Premiership hi Celtic-in an thunun hle - tuna an champion hi season hnuhnung 13-a vawi 12 an champion-na chiah a ni a, an champion loh ṭum hian Steven Gerrard hoin Rangers-in nomawi an chawi a ni.

Brendan Rodgers-a enkawl Celtic hian league match 38 khelh turah match 37 an khel tawh a, vawi 28 hnehna changin, vawi ruk draw an nei a, vawi thum an tlawm - point 90 an hmu tawh a, an hnuai chiaha awm Rangers chuan match 37-ah point 84 an nei.