Khualmuala ṭha Punjab Kings

IPL-ah Punjab Kings-in knockout stage luh beiseina nei tawh lo mah se Nilaini zan khan group stage paltlang tawh Rajasthan Royals chu wicket ngain Barsapara Stadium, Guwahati-ah an hneh.

Punjab Kings hian tun season-ah khualmualah result ṭha tak an nei a, Gujarat-ah Gujarat Titans an hneh a, Kolkata-ah Kolkata Knight Riders hnehin Chennai-ah Chennai Super Kings an hneh bakah Guwahati-ah Rajasthan Royals an hneh leh bawk.

Barsapara Stadium-a inkhelah Rajasthan-in vuak hmasak an thlang a, over 20-ah 144 runs chauh an siam bakah wicket kua an hloh. Kings hian over 18.5-ah 145/5 runs siamin hnehna an chang. Sam Curran-a'n thi loin 63 runs a siam a, wicket hnih lain 24 runs chauh pe bawkin man of the match-a tlan a ni.

Zanin dar 7:30 hian Mumbai Indians leh Lucknow Super Giants te an inkhel dawn. Super Giants tan knockout stage lut turin chak ringawt a tawk lo a, chiang taka chak a ṭul ang. Rohit Sharma telna Mumbai erawh table mawngphahah awmin beisei tur an nei tawh lo.