Vawiinah Zarkawt leh Chanmarians

Cricket Association of Mizoram (CAM) hnuaia inelna lian Mapuia Memorial Mizoram Cricket League (MCL) khelh laiah, vawiin chawhma dar 9:00 hian Chanmarians leh Zarkawt Lords te an inhmachhawn ang.

Champion lai Chanamrians hi an match hmasa berah an chak lo a, insiamṭhat an tum ang. Hmun ruak lei chunga inlan Zarkawt Lords erawh hnehna nena bul ṭan an ni a, beiseina sang tak nen an inlan thei dawn a ni.

Chawhnu dar 1:00-ah team hlun Kulikawn leh Ramhlun Venglai te an inhmachhawn dawn - Kulikawn hi an match hmasaah an chetsual laiin RVL erawh an chak thung, a sang pali zinga tel turin Kulikawn tan chetsual nawn a hlauhawm thei tawh ang.