A lo kir lehnaah Murray a chak

Andy Murray hliam a dam a, tournament a khelh lehna hmasa ATP Challenger event-ah Murray hian Kyrian Jacquet hnehin last 16 a inhlangkai a ni.

Grand Slam vawi thum champion tawh Murray hian Jacquet lakah 7-5, 2-0 in hma a hruai a, an inkhelh laklawh laiin world number 219 hi hliam vangin a inkhel chhunzawm thei tawh lo.

March thlaa khelh zawh tawh Miami Open-ah Murray hi a kerek a hliam, inkhel loa a chawlh vang vang hnuah tun karah a inkhel thei leh ta chiah a, tun thla tawpa khelh tur French Open atan beisei a nei zui ang.