RB Salzburg boss thar Pep Lijnders

Liverpool assistant manager Pepijn Lijnders chuan Jurgen Klopp hnungzuiin Anfield chhuahsan dawn mah se, German coach anga chawlh hahdam ve a tum lo a, Red Bull Salzburg chu coach ni turin a zawm dawn.

Kum 41 mi coach hian Austrian club hi season thar aṭangin a enkawl dawn a, season thum atan contract a ziak ang. Dutch coach chuan Salzburg-ah attacking football an ngaih pawimawh tur thu sawiin, "Duhna leh châkna hi hlawhtling tura pawimawh ber chu a ni," a ti bawk.

Lijnders hian kum 2014 khan Liverpool hi a zawm a, Brendan Rodgers-a hnuaiah development coach niin, hemi hma hian PSV Eindhoven leh FC Porto lamah youth coach-in a lo thawk tawh bawk.

Kum 2018 khan Liverpool chhuahsanin, Dutch second division club NEC Nijmegen a zawm a, promotion playoff hruai thleng mah se, top flight league an inpetkai zawh loh avangin thla sarih hnu lekah ban a ni a, June 2018 khan Liverpool-ah coaching staff zinga tel turin a kir leh.

Lijnders hi Liverpool-a a thawhpui, development coach Vitor Matos chuan assistant manager ni turin a zui ang.