VAR chungchangah vote thlak dawn

Premier League season tharah video assistant referees (VAR) an hmang dawn em, tih a la chiang lo. English football inelna sang bera club 20 te chuan VAR hman duh leh duh loh chungchangah June thla hian vote an thlak ang.

VAR hi kum 2019 aṭang khan hman ṭan a ni a, match official ho thutlukna chungchangah kawng hrang hranga hman ṭangkai a ni a, thutlukna siam dik tam tak a neih rualin sawisel hlawh leh tih dik loh pawh a nei ve fo.

EPL dan leh hrai an hman ang chuan, an dan hman lai anga VAR an hnawl dawn a nih chuan hmun thuma ṭhena hmun hnihin an duh a ngai, club 20 zinga 14 zetin an duh a ngai tihna a ni a, a tam lam duh angin a kal dawn tihna a ni.