Chanmari an chak lo

MPL Under 17-ah match nga chhung chak zawn tawh Chanmari FC chu Mizoram Police lakah an chak lo. Chanmari hi an chak lo satliah lo a, Police-in 5-1 ngawtin an sawp. Lammuala inkhel dangah Chhinga Vengin Chawnpui 7-0 in an sawp bawk.

Inelnaah hian a sang pahnih chauhin final an khelh dawn avangin nimin inkhela chak Mizoram Police leh Chhinga Veng tan beisei tur erawh a awm tawh chuang lo. Vawiin hian FC Venghnuai Aizawl FC Academy te an inkhel ang a, Electric Veng FC leh Project Veng FC te an inkhel bawk ang.

Chanmari hian point 15 an hmu tawh mah se an match hnuhnung berah Electric Veng an hmachhawn dawn avangin final lut lo thei an la ni. Chutihrualin FC Venghnuai tan pawh Aizawl FC Academy hneh a awlsam dawn lo a, an hneh theih erawh chuan final lut turin an dinhmun a ṭha ber dawn. A chhan chu Venghnuai hian match tawp berah table hnuai lama awm Venghnuai an hmachhawn ang.