Pahnihna luahtu Clippers

Los Angeles Clippers chuan NBA Western Conference-ah pahnihna dinhmun an luah chiang ta a, kar leh aṭanga playoff an khelh hunah pasarihna Dallas Mavericks an hmachawn ang.

Nimin zing regular season inkhelah Los Angeles Clippers hian Denver Nuggets chu 124-111 in an hneh, hnehna an chan theih nan hian Paul George (27 points) leh Kawhi Leonard (26) te an thawhhlawk hle; playoff an khelh hunah pawh anni pahnih bawk hi an ṭangkai dawn.

Chak lo Nuggets hi an conference-ah pathumna an ni dawn a, playoff-a an tum tur a la chiang lo. Nimin zing inkhelah hian Jerami Grant-a'n point 25 a neih bak chu player che ṭha fal an awm lo.

Inkhel dangah Indiana Pacers, Toronto Raptors leh Miami Heat te chuan an khingpui ṭheuh an hneh bawk.



Share this Post

Login to comment
No Comments