Gauff a chak zel

American tleirawl tennis khel thiam Coco Gauff a che fuh chho zel, Nilaini zan khan world number 11 Aryna Sabalenka lakah 7-6 (7-4), 4-6, 6-4 a hnehna changin Top Seed Open-ah quarterfinal a inhlangkai.

Player pahnih an inkhel tawk a, set hmasa ber hi minute 61 zet an khel. Kum 16 mi Gauff hian season hmasa khan khawvel a barakhaih tawh a, kuminah pawh a che fuh chhunzawm dawn niin a lang - inkhel boruak sangah a chiai lo.

Gauff hian world ranking-a a sang zual 20 chin player pathum a hnehna chiah a ni, nikum khan Linz Open-ah world number 8 Kiki Bertens a hneh a, kumin January thla khan Australian Open-ah Naomi Osaka a ngam tawh bawk.

US Open inbuatsaihna Top Seed Open-ah hian semifinal lut tur chuan world number 39 Ons Jabeur a hneh leh a ngai dawn. Seeded pariatna Jabeur hian set a hloh hmasak hnuah Olga Govortsova a hneh let ve leh a ni.

Nizan khan champion tura rinkai Serena Williams leh Venus Williams an inhmachhawn a, result kan hre hman lo. American unau hi an vanglai pel tawh mah se theihna an la nei sang a, player dang tana hmachhawn chakawm loh tak an la tling.



Share this Post

Login to comment
No Comments