Nagaland : Dawr kaite leh tlawmngai pawlin inbiakna an nei

Nagaland-a Kohima Chamber of Commerce and Industry (KCCI)-in tiam chin awm loa nawrh an huaihawt avangin khawpui chhunga dawr kaite'n an dawr an hawng lo a, mipui nunphung a khaihlak avangin tlawmngai pawl Tribal Hohos, Unions, and Association te nen inbiakna an nei.

He inhmuh khawmnaah hian resolution eng emaw zat pawm niin, pawl hrang hrangte chuan thawkho turin thu an titlu. Meeting thuchhuak hian ni hnih chhungin DCCI leh Nagaland sorkar chu inremna zawnga inbiakna nei turin a ngen a, state chhunga sumdawngte buaina chinfel a nih theih nan hei hi a pawimawh tih an tarlang.

He meeting kaltlang hian dan phal loha chhiah khawn leh tihluihna hmanga Naga Political Groups (NPGs)-te'n an khawn ṭhin chu CSO, Nagaland sorkar leh sorkar laipuiin an pawmpui loh chuan tih tawh loh ni se an ti. Pawl hrang hrangte hian an lungawi lohna a hriatthiampui avangin Nagaland sorkar lakah lawmthu an sawi bawk.