A awlsam lo ang - Isaka

Indian Super League semifinal-ah zanin dar 7:30 hian Odisha FC chuan Mohun Bagan an mikhual dawn a, Odisha forward Isak Vanlalruatfela chuan an tan hna a awlsam loh tur thu a sawi.

Semifinal an luh theih nana Kerala Blasters laka chakna goal khungtu Isaka chuan, "Inbuatsaihna hun a tam tawk lo a, mahse, theihtawp chuan kan inbuatsaih. Bagan nen hian squad kim ve vein kan inhmachhawn dawn a, a awlsam lo ang.

"First leg kan khelmuala kan tihhmasak dawn avangin a pawimawh lehzual a, Pathian zarah vannei hram ila ka ti khawp mai," tiin Vanglaini a hrilh.

Odisha tan Isaka bakah Jerry Lalrinzuala, K. Lalṭhathanga (Puitea) leh Jerry Mawihmingthanga te chu inlan leh tura beisei an ni a, Bagan hian Lalrinliana Hnamte (Terina) an nei bawk.