Mbappe hmalam hun a la chiang lo - Enrique

PSG-in Barcelona an lehthal theihna atana player pawimawh Kylian Mbappe hi season thara Real Madrid zawm tura sawi a ni. Los Blancos hmelma Barca laka goal a khung ṭumah pawh uar takin a goal khung a lawm a, Real kawr haa 'El Clasico'-a a goal khung dan tur ang hialin a ngaih ruat theih.

Mahse, PSG boss Luis Enrique chuan Mabppe ṭawngchhuah hma chuan thuchiang a la awm loah a ngai. Enrique chuan, "Kylian a hmalam hun chungchangah chuan ama thusawi ngei kan nghah a ngai. Mbappe leh PSG-in mipui hriat tur an puan chhuah hunah chuan engkim a chiang ang. Thil kalphung hi a awm a, Mbappe ṭawngchhuah hma chuan ngawih ka chuh dawn," tiin a sawi.

Spanish manager hian PSG-in nomawi chawi theih zawng zawng an champion chuan Mbappe hi a cham theih thu a lo sawi tawh. PSG hian January thla khan Trophée des Champions nomawi an chawi tawh a, Ligue 1-ah match khata khel tlem chungin point 10-in an fal tawh a, Coupe de France-ah final lut tawhin Lyon nen an inhmachawn dawn. Barca treble champion pui tawhtu Enrique hian PSG hi a quadruple champion pui thei a ni.