Ronaldo awmna Portugal chak lo

Cristiano Ronaldo inkhel thei leh tawh mah se Portugal tan zan duhawm lo a ni. Euro 2024 khel tura inbuatsaih Roberto Martinez-a naute hi Slovenia lakah 2-0 in an chak lo.

Stozice Stadium-a inkhelah mualneitu lamin Adam Gnezda Cerin leh Timi Max Elsnik te hmangin goal an nei a, mikual lamin ball chang tamin goal khung tumin vawi 10 ngawt shot nei mah se an hlawhtling lo vek.

Portugal captain Ronaldo hi hliam vangin an match hmasa zawkah a inlan lo, tun ṭumah erawh minute 90 chhung a inkhel thei leh tawh a, ni danga an ram chhanhimtu a nihna erawh a la lantir thei bik rih lo.

Germany rama khelh tur Euro 2024-ah chuan Portugal hi Group F-ah Turkey, Georgia leh Czech Republic te nen an awm khawm dawn a ni.