Veteran football khelh hun sawn

G90s Mizoram buatsaih GiG Motors - Veteran Football Tournament 2024 chu April 22-ah khelh tura sawn a ni, ruahmanna hmasaah chuan April 15 aṭanga khelh tur ni mah se Lok Sabha inthlan hun avangin sawn hlat a ni.

Tournament ṭan hun sawn a nih avangin Entre fee pek hun March thla chhung tih pawh April 10, Nilaini thlang atan sawn a ni bawk. Entre fee hi Rs 1000 niin M28, Dawrpui leh Y2 Goal Agencies, Chanmari-ah te tun thla chhunga pek tur a ni ang.

Aizawl Khawpui chhung aṭanga team tel duh tan AMC ward pakhat aṭangin team pakhat tel theih a ni ang. MLA Constituency pakhat aṭangin team pakhat aia tam a tel theih ang. Vote neihna Ward/Constituency-ah chauh khelh theih a ni dawn.

Team tel tur te chuan April 10, 2024 thleng players registration form leh Voters ID Xerox thehluh tur a ni. Playing Eleven (11) ah kum 40+ mi pathum (3), 45+ mi panga (5) leh 50 + mi pathum (3) an khel tur a ni a. Match khatah mi pasarih (7) inthlak theih a ni ang. Regulations anga khel lo team chu chak lo zawk a puan an ni anga, an tumpuiin point 3 bakah goal 3 a nei bawk ang.

Kum bithliah dan

A. 40+ 1984 leh a hma lama piang chin.

B. 45+ 1979 leh a hma lama piang chin.

C. 50+ 1974 leh a hma lama piang chin.