Inter Kashi-ah Edmund-a a nghet

I League club Inter Kashi chuan Edmund Lalrindika chu kum 2026 thleng atan contract an pawtsei. Lunglei tlangval Edmund hian tun season-ah match 25 khelin goal ruk a khung a, assist vawi riat a nei tawh.

AIFF Elite Academy chhuak Edmund hi a khelh ṭhat avangin January thla transfer-ah pawh ISL club-ten an dawr tawh a, India coach Igor Stimac pawhin I League aṭanga India jersey ha thei tura a mit la zinga a tel thu a sawi.

Edmund hian AIFF Elite Academy aṭangin Bengaluru FC a zawm a, inhliam vanga harsatna a tawh avangin ISL-ah hming a la chher lo. Mizo winger Edmund chuan, "Pathian zarah hliam vangin ka buai lo a, season khata hetiang ang renga inlan tam hi ka nei lo. Ka khelh danah ka lawm a, hmasawn zel ka tum ang," tiin Vanglaini a hrilh.

ISL club-in Edmund hi lakluh tuma an dawr nasat karah Inter Kashi-a contract a ziah belh avangin Uttar Pradesh club hian contract ṭha tak an peah a ngaih theih a ni.