La Liga khelh chhunzawm leh a nih hnuah Valencia an chak hleithei lo a, match nga an khelh tawha a vawi thum nan Pathianni zan khan Villarreal lakah 2-0 in an tlawm.

Villarreal tan season thara Champions League khelh beiseina a nung thar a, Valencia tan European football khelh beiseina a chuai thung - table-ah pariatna an ni mek!

Yellow Submarine (Villarreal sawina) khelmuala inkhelah hian minute 14-na lekah Paco Alcacer chuan goal hmahruai a khung a, first half tawp nan minute khat chauh a awm tawh tihah Gerard Moreno chuan goal khat dang a rawn thawh belh. 

Valencia-in a chhanletna tur an neih loh avangin 2-0 in inkhel a tawp a, season thar European football-ah Valencia hi kan hmu lo a nih pawhin a mak lo ang.

---

Share this Post