Pathianni zan Premier League inkhelah Southampton chuan Watford 3-1 in an hneh a, Saints tan Danny Ings-a'n goal hnih a khung bakah James Ward-Prowse-a'n a khung belh bawk. Vicarage Road-ah mualneitu Hornets an che thei lo a, an goal awmchhun pawh hi Saints player Jan Bednarek-a'n an lama a tihluh a ni.

Liverpool-a hlawhchham Danny Ings hi tun season-ah Saints tan a vul hle. Kum 27 mi English forward hian match 32 aṭangin goal 18 a khung tawh a, amah aia khung tam awmchhun chu Leicester City forward Jamie Vardy chauh a awm.

Point thum an hlawhchhuh avangin Saints-in point 40 an hmu a, season thara Premier League an khel chhunzawm turin an dinhmun a ṭha ta hle. Watford erawh 16-naah awm mah se point 28 chauh an hmuh avangin relegation zone nena an inkarah point khat chauh a awm a, tla thei dinhmunah an ding chhunzawm zel.

---

Share this Post