AIFF D License Course Aizawlah kalpui a ni dawn

Mizoram Football Association chuan April 25-30, 2016 hian Aizawlah AIFF D License Coaching Course a buatsaih dawn.

April 15 chhun dar 12:00 aṭangin dilna form MFA Office-ah Rs 50/- in lak chhuah theih a ni ang a, April 19 thleng thehluh theih a ni ang. Diltu aṭangin mi 30 thlan chhuah an ni ang.

Mizorama a vawi hnihna atan D License Course hi kalpui a ni dawn a, course instructor tur chu Lalruatliana Sailo a ni ang.

He coaching course-a tel tura thlan chhuahte chuan course fee Rs 2400/- an pek a ngai ang a, Rs 1200/- hi AIFF-a thawn tur a ni a, a bak zawng hi course kalpuina tur - jersey, zirlaibu, ball leh equipment dang, ei leh in - atan hman a ni thung ang.