France tan Benzema ko dawn lo

Euro 2016 thleng tur French Foot-ball Fede-ration (FFF) chuan Karim Ben-zema chungchang an ngaihtuah hnuah Nilai-ni khan Real Madrid striker chu ram tana khel tura koh loh an ti thlu.

Benzema hi sex tape chungchanga ram tana a khelhpui Mathieu Valbuena vautu zinga a telve avangin France tana khel thei lo turin December khan hrem a ni a, Nilaini khan FFF hian Euro khel tur pawha koh loh hi an ti thlu ta a ni.

Tun season-a Real tan match 29 a inlana goal 25 khung tawhtu striker chuan French Football Federation thutlukna chuan a ṭhawng takzet thu sawiin, amah mai bakah amah thlawptute tan chanchin lawmawm loh tak a nih thu a sawi.

Thla hmasa lawk khan France tan vawi 81 a inlana goal 27 khungtu striker hi Valbuena biak phal sak loh a nihna hlih sak a nih avangin France tana khel leh tura bei-seina awm mah se a beiseina hi a thlawn ta a ni.

Euro 2016 hi France-ah June 10 - July 10 inkar chhunga khelh tur a ni dawn a, a thlengtu ram hi Group A-ah Romania, Albania leh Switzerland-te nen an awmho.