Palace leh Everton inhnehtawk

Nilaini zan khan Premier League inkhel pakhat a awm a, Crystal Palace chuan an mikhual Everton lakah chak theihna hun ṭha nei mah se an chhawr ṭangkai theih bik loh avangin goal awm loin an inhnehtawk.

Selhurst Park-a in-khelah hian Everton midfielder James Mc-Carthy chu Yohan Cabaye leh Yannick Bolasie laka a foul avangin minute 52-naah hnawhchhuah a ni a, Republic of Ireland international hi Premier League match 201 a khelh hnua hnawhchhuah a tawh vawi khat na a ni.

Everton hian tun hnai-ah a zawnin league match vawi ngaah hnehna an chang zo tawh lo a, point 40 hmuin table-ah 12-na dinhmun an luah mek. Palace erawh 16-naah awmin relagation zone
aṭangin point 11 zetin an la him rih thung.

Boss thukhawchang

Everton boss Roberto Martinez chuan, "Chak zo lo mah ila nidanga kan inkhel ai chuan hmasawnna hmuh tur a awm, kan thawkrim a, player 10-a kan khelh hnuah pawh kan chiai loh avang khan lawmmna tur a ni," tiin a sawi.

Crystal Palace hian nikum December thla hnua a vawi khat nan kartawp khan league-ah hnehna an chang ve leh a, Norwich chu 1-0 in an hneh. Goal an chhuah loh vangin Palace manager Alan Pardew a lawm a, "Tun hnai kan match hnuhung pahnihah point li kan hlawhchhuak thei a, ngai kan awh chho leh ṭan ta e. A lawmawm ber lai chu goal kan chhuah lo kha a ni," a ti.