Singapore Super Series-ah Sindhu a chak hram

Singapore Super Series khelh mekah Indian shuttler PV Sindhu chuan a match hmasa berah hna hautak tak a nei nghal. Nimin khan Thailand shuttler Busanan Ongbumrungphan lakah minute 54 chhunga 9-21, 21-17, 21-11 a hnehna changin second round a lut hram.

Double-ah Pranaav leh Akshay Dewalkar te ṭangdun chuan China tlangval Liu Cheng leh Lu Kai te lakah 21-17, 16-21, 22-20 in hneh-na an lo chang ve bawk.

Malaysia Open champion Sindhu hian Chinese shuttler He Bingjiao a hmachhawn leh ang a, National cham-pions Pranaav leh Akshay te pawh in seeded pahnihna Indonesian pair Mohammad Ahsan leh Hendra Setia-wan an hmachhawn zui dawn bawk.

Indian mipa shuttler Kidambi Srikanth, HS Prannoy leh Ajay Jayaram te erawh an match hmasa berah an chak lo vek a, hei hian world ranking-a an dinhmun a nghawng dawn avangin Rio Olympic a tel an beiseina a tlak hniam phak ngei ang.