Nomawi dang duh Zlatan Ibrahimovic

Paris Saint-Germain striker Zlatan Ibrahimovic chuan season tharah eng club tan ber nge a khelh dawn tih la sawi chiang thei lo mah se nomawi chawi a duh thu a sawi.

Sweden international hian tun season tawp thleng chiah PSG-ah contract a nei tawh a, a contract a pawhsei duh tawh loh avangin a chhuak dawn tih a chiang tawh. Amah duhtu tamtak awm mah se a hlawh a san avangin club nazawng tan lakluh theih a ni lo thung.

Tun hnaiah Manchester United leh West Ham bakah MLS club
ṭhenkhat nen sawi zawm mek a ni a, Barcelona leh AC Milan striker hlui hi a kum tam deuh tawh mah se duhtu a la ngah hle tih a chiang.

Kum 34-a upa Ibrahimovic chuan, "Nomawi tam tak ka chawi tawh a, tunah pawh hian nomawi chawi chakin ka la tuihal reng a ni," tiin champion thei team zawm a tum hmel hle.

England aṭangin amah duhtu an awm em tih zawhna chhangin Ibra chuan, "Aw, club ṭhenkhat chuan min lakluh an duh," a ti. Season tharah khawvela striker hmuhnawm berte zinga pakhat hi Premier League-ah a hmel kan hmu a nih pawhin a mak kher lo ang.