Ramthar leh Zemabawk an chak

Nimin khan 9th Inter Branch YMA Cricket Tournament chu khelh chhun-zawm a ni. Inkhel hma-sa zawkah Ramthar Vengin Chhinga Veng chu run 11-a hneh hramin Zemabawk-in wicket sarihin College Veng an sawp thung.

Republic Veng khel-muala inkhelah Ramthar an bat hmasa zawk a, run 112 siama wicket kua hlohin over 20 an hmang ral. Chhinga Veng tan target huphurhawm niin lang lo mah se Ramthar bowler F. Lallawmkima'n hattrick siamin Chhinga Veng hi over 19.5-ah an out vek a, run 11-in a tlawm zawkah an ṭang ta a ni.

Inkhel hnuhnung zawkah College Veng-in over 19-ah wicket hloh fai vekin run 74 chiah an tlin. Zemabawk-in over 11.3-ah an target um phain wicket thum chiah an hloh a, awlsam takin an chak.