Mumbai Indians chakpuitu Rohit Sharma

Indian Premier League 2016 opening match-a an chak loh hnuah Mumbai Indians-in captain Rohit Sharma chetṭhat zanah chak hmel an hmu ve ta a, khualmualah Kolkata Knight Riders chu wicket rukin an hneh.

Eden Gardens, Kolkata-a inkhelah bat hmasa zawk Kolkata-in over 20-ah run 187 siamin mi panga an hloh a, run 64 siamtu captain Gautam Gambhir leh run 52 siamtu Manish Pandey-te'n an khel ṭha hle.

Mumbai Indians tan chak tura run siam ngai zat 188 chu tam tak angin lang mah se captain Rohit Sharma-a'n a naute tan entawn tur hnutchhiahin run 84 zet a vaw chhuak a, a tawp thleng a dam. Indian batsman hi run 41 siamtu Jos Buttler chuan a puih ṭhat bawk avangin Mumbai-in over 19.1-ah an target umphain run 188 an vaw chhuak a, a chak zawkah an ṭang ta a ni.

Zanin dar 8:00-ah vawi khat inkhel an hmachhawn tawha la chak lo ve ve Delhi Daredevils leh Kings XI Punjab-te chu Delhi khelmual Feroz Shah Kotla-ah an inhmachhawn ang.