MSL-9 Semifinal : Champhai tan chak ngei a ngai

Mizoram Super League semifinal game 2 zaninah khelh a ni dawn. Zarkawt BCA leh Champhai District Basketball Association te an inkhel dawn - BCA an chak leh a nih chuan best of three series lain final an lut ang.

Team pahnih an intawn ṭumin vawi li champion tawh Zarkawt BCA hi 93-85 in an chak, team pahnih inthlauhna hi point riat chauh a ni. Champhai tan beisei a la bo lo, fans puihna nen thawm na taka an che a nih chuan series la let turin beisei an la nei sang hle.

BCA hian player ṭha an kawl hnem a, an khingpuiten ven ber tur an hrethiam ṭhin lo. MSL huanga sulhnu nei ṭha bera chhal ngam Lalrina Renthei aiin Lalnunpuia Renthlei chuan game 1-ah point a nei hnem zawk - Champhai tan pawh luhaina tham chu a ni.

Champhai hi zam tur erawh an ni lo - Tevis Ryan Robinson Jr hi chakpui tham a ni a, ani thlawp tur hian tualchhung player ṭha Lalsangliana, Lalfakmawia leh Lalropuia te an nei bawk, anni hian game 1-ah point 10 an nei tling thei vek.

Game 1 kha an thlirkir a nih chuan Champhai hian tihsual an neih an hmu nual ang, chung zingah chuan fal lutuka an khingpui an kalfal tir ṭhin kha a ni tih pawh an hria ang - BCA khan an hmahruai fal laiin point 31 ngawtin an sang zawk a ni.

Quarter hnuhnung pahnihah Champhai hi sang zawk mah se an pawtthla zo tawh lo a, time out lak hun leh game boruak tihdanglam hun an thlang dik a nih ngat chuan BCA tan pawh paltlang harsa tak an ni thei ang.

Semifinal Game 1

March 2, Inrinni Zan

Zarkawt BCA 93 - 85 Champhai DBA

March 4, Thawhṭanni Zan

Bungkawn LB 08:00 PM Khatla TBL

Semifinal Game 2

March 5, Thawhlehni Zan

Champhai DBA 08:00 PM Zarkawt BCA

March 6, Nilaini

Khatla TBL 08:00 PM Bungkawn LB

Semifinal Game 3 (A ngaih chuan)

March 7, Ningani

Zarkawt BCA 08:00 PM Champhai DBA

March 8, Zirtawpni

Bungkawn LB 08:00 PM Khatla TBL