Leverkusen dang thei an awm lo

Bayern Munich an chak zawh loh laiin Bayer Leverkusen erawh an kal zel a, Pathianni zan khan an mikhualna ramah Cologne chu 2-0 in an hneh - Thomas Tuchel enkawl Bayern nena an inkar chu point 10 zetin a zau ta a, champion turin kawng dik an zawh zel.

Khualmualah Leverkusen beisei angin thil a thleng, Cologne winger Jan Thielmann chu Granit Xhaka laka a foul avangin minute 14-na lekah hnawhchhuah a ni a, player tam zawka khel Leverkusen-in inkhel an thunun zui. 

Xabi Alonso naute hian minute 37-naah Jeremie Frimpong hmangin goal an khung ṭan a, Alex Grimaldo chuan minute 73-naah khung ve lehin, 2-0 in Leverkusen an chak - 78% zet ball chang chungin vawi 17 shot an nei a, vawi nga target zawnah a kal.

Leverkusen hi inelna hrang hrangah match 34 zet chu tlawm nei loin an kal tluang ta a, Alonso leh a naute hian Bundesliga nomawi chawi an tum ruh hle.