Semifinal lut hmasa ber Services

FIFA Santosh Trophy final round-ah Services-in semifinal lut turin nimin khan Railways 2-0 in an hneh. Mizo tlangval Zothanpuia (Thangpuia) telna tean tan Shafeel leh Samir Murmu ten an khung.

Goal venhim hna thawk ṭhin Railways-in bul an ṭan ṭha lo a, ṭul lo zetin left back Nitesh Kumar-a'n Services forward Rahul Ramakrishnan box chhungah a pet thlu. Shafeel a rawn pen chhuak a, minute kuanaah hmahruaina goal a khung.

Railways rawn insiamṭha mah se first half injury time-ah an chesual. Samir Murmu-a'n kawh zetin a pet goal a, Services-in second half-ah goal khung belh tawh lo mah se chak turin harsatna an tawk lo. Services hian semifinal-ah Mizoram leh Kerala chak zawk an hmachhawn ang.