Champhai chungah Bungkawn LB

Mizoram Super League khelh laiah Bungkawn LB Associates chuan Champhai District Basketball Assocaition chu 84-66 in an hneh a, tualchhung basketball inelna sang berah hian semifinal an inhlangkai.

Bungkawn LB hian league match vawi sarih khelh tur an khel kim ta chiah a, vawi ruk hnehna changin hmahruaitu Zarkawt BCA hnuaiah an awm - chak lo zawk Champhai hi palina an ni rih a, nizan inkhel result a zirin an dinhmun a la danglam thei bawk.

Champion lai Khatla TBL pawhin Venghnuai VR4 lakah 124-116 in hnehna an chang a, vawi hnih chak loh nei ve bawk mah se a dangah an chak vek avangin semifinal an lut ve bawk.

Zarkawt BCA, Khatla TBL leh Bunglawn LA Associates ten semifinal an lut a, nizan inkhel a zirin a thiam pali zinga tel tur pakhat a la hriat leh dawn bawk a ni - team pariat inelnaah Venghnuai VR4 hian chak ni hmel an hmu ve ta lo a ni.