Arunachal hnung zuitu Meghalaya

FIFA Santosh Trophy-ah group A aṭanga quarterfinal lut tur a hriat kim ta a; nikum finalist Meghalaya an tla nghal a, Arunachal Pradesh nen knockout stage an inpetkai zo lo. Services, Goa, Kerala leh Assam ten quarterfinal an lut a, chutihrualain an dinhmun tur erawh vawiinah a hriat ang.

Meghalaya hian inelna an la thutak a, nomawi chawi tawh ngei tumin an state league khelh hun pawh an sawn vek. Final round-ah pawh Meghalaya hian inkhel nung ṭha tak lantir mah se goal hmaah an vannei tawk lo. February 28, Nilaini zanah Meghalaya hian Goa an hmachhawn a, Goa-in goal an venhim ṭhat bawk avangin goal awm loin an inhnehtawk.

Zanin hian Meghalaya-in anmahni ang bawka tla tawh leh chak nei lo Arunachal Pradesh an hmachhawn dawn. Arunachal hi inelna thlengtu an nih avanga khel an ni a, thla li chhung inkulh hrang mah se an beisei ang result an hlawh chhuak lo. Chutihrualin Arunachal inkhel entu erawh an ṭhahnem ṭnin a, mi 13,000 chuangin an en ṭhin.