Jhingan hian ISL season hmasa ber 2014 aṭang khan Blasters-ah hian a khel a, kum ruk zet a khelh hnuah Blasters hian Nilaini khan Jhingan hian an club a chhuahsan tur thu an puang.
India international hian season hmasa khan hliam vangin Blasters tan match khelh a nei lo a, ngai a awh loh hlauhthawn vangin Kerala club hian an chhuahtirah ngaitu an tam.
He ngaihdan avang hian Blasters player hlui Iain Hume leh Michael Chopra te chuan an club hlui hi an sawisel a, Jhingan chu a hun harsaah an thlah thlamah an ngai.
Mahse, Kerala neitu Nikhil Bharadwaj chuan, "Sandesh hi club leh fan-te tana a inpekna leh rinawmna avangin lawmthu kan hrilh a, KBFC chuan chona thar hmachhawn a duhna hi a hrethiam em em a ni," a ti a, an player nena an inṭhenna chu kum 26 mi defender duhthlanna a nih thu a sawi.
Bharadwaj chuan sawi zawmin, "A thinlungah Blaster hi a cham reng dawn tih ka hria a, he club tana a hnathawh ropui tak hriatreng nan a jersey hak ṭhin number 21 chu kan dah ṭha ta a ni," a ti.
Blasters tana match 76 khela inlan tam ber ni thei Jhingan hian club khelhna tur a vai lo ang tih a chiang a, Chandigarh tlangval hi ram pawn lam club pawhin an duh nia sawi thawm a awm - thuchiang erawh a la awm lo.
Login to comment
No Comments