DFB academy-in Klopp hoin leadership training nei

German Football Association (DFB) academy chuan Liverpool manager Jurgen Klopp-a hoin leadership training an nei a, German coach hian a thil tawn hmangin fuihna ṭha tak tak a sawi.

Kum 52 mi Klopp hian 1. FSV Mainz 05 chu an club history-a a vawi khat nan Bundesliga khel turin a hruai kai a, Borussia Dortmund enkawlin Bundesiga nomawi pahnih a chawipui. 

Season liam ta khan Klopp hian Liverpool chu Champions League-ah a champion pui a, tun season Premier League-ah point 25-in hma a hruaipui mek bawk.

Hei le Klopp-a thusawi chu

Dortmund-a bul a ṭan dan...

Borussia Dortmund ka zawm khan fan group hmuh ka dil a, 'Eng nge in duh?' tih zawhna ka zawt. BVB fans hnathawh dan ka zir chiang. Ka tih tur hre turin min beisei dan kan hriat phawt a ngaihna chin a awm.

Tum fel tak nei chi ka ni a, zing ka thawh hma avangin hun ka ngah. Thil ka kalpui dan tur ka ngaihtuah nasa ṭhin hle. Player-te pawhin thil zawng zawngah ruahmanna ka neia an ngaih turin ka inzir nasa. Amaherawhchu thil zawng zawng atan chuan ruahmanna chu ka nei bik lo a, thil tam tak atan ka inpuahchah thung.

Hruaitu nih chungchang

Mi dang tana thulukna siam dawn chuan, thutlukna chu mi zawng zawng tan a ṭhat a ngai. Amaherawhchu mi zawng zawng tih lawm theih a nih loh avangin mi tam zawk lawmna tur ngaihtuah a ngai.

Hemi a nih avangin kan thutlukna chu duhthusam a ni lo tih hriat a ṭha a, uluk tak ngaihtuahin thutlukna ṭha tak a siam ṭheih ṭhin. Hruaitu ṭha ni tur chuan nitina kawng dik zawh hi a pawimawh.

Mipui hmaa din chhuah

Inpuahchahna a ṭhat chuan thil kalsual thei vak a awm lo. Thil thleng pawi thei erawh sawi tur theihngilhin a ni. Chutiang a thleng a nih chuan talbuai loh tur a ni a, sawi tum chiang tak nei loa ṭawng chhuah chuan a fuh tawk lohna lai a lang chhuak leh ṭhin.

Tun season chungchang

England-ah chuan awmze nei loa season tih tawp duhtu an tam hle. Ka mimal ngaihdanah chuan a dik thei lo. Ni e, football aia pawimawh tam tak a awm a, chutihrualin a pawimawh lo zawk pawh hian pawimawhna a la nei reng.



Share this Post

Login to comment
No Comments