I League 2nd Division-ah goal lut lo

Nimin khan Paljor Stadium-ah Gangtok Himalayan SC-in Minerva Academy FC an mikhual a, goal awm loin an inhnehtawk. Mohammedan Sporting-in an club ground-ah goal awm lo thoin Dempo Sports Club an draw bawk.

Minerva hi chak se chuan hmahruaitu Neroca FC nen point sarih an hmu thei dawn a, amaherawhchu Sikkim laka point khat chauh an hlawh chhuah avangin pahnihnaah an awm chhunzawm a ṭul dawn. Gangtok Himalayan-in match thum khelh tawh aṭangin point hnih an hlawh chhuak a, an hnuaiah hrem vanga point thum paih Mohammedan Sporting chiah an awm.

I League second division hi April 13-ah khelh chhunzawm a ni dawn a, Minerva Academy FC-in season liam taa I league aṭanga relegate Dempo SC an mikhual ang.