CYMA Cricket Tournament 2016 Tlangnuam leh Dawrpui an chak

Nimin khan 9th Inter Branch YMA Cricket Tournament chu khelh chhunzawm a ni a, inkhel hmuhnawm takah Tlangnuam chuan run 7-in Chaltlang North an hneh.

Bat hmasa zawk Chaltlang N-in over 20 chhunga run 143 siamin mi pariat an hloh a, Tlangnuam lamin over 20-ah run 143 tho vaw chhuaka mi pakua an hloh avangin super over (over 1) hmangin chak zawk zawn a ni.

Super Over-ah hian bat hmasa zawk Tlangnuamin run 12 siamin wicket khat an hloh a, Chlatlang N lamin wicket khat hloh chunga run nga chiah an tlin avangin Tlangnuam hi run 7-in a chak zawkah an ṭang ta a ni.

Chaltlang N tan run 30 siamtu Lalnunpuia Sailo a thawhhlawk laiin Tlangnuam batsman Andrew F. Lalrinpuia'n run 33 lai a siam ve bawk.

Inkhel hnuhnung zawkah Hun-thar leh Dawrpui an inhma-chhawn ve leh a, Dawrpuiin wicket 7-in awlsam takin hnehna an chang.

Ruah sur vangin over 18 khelh a ni a, Hunthar-in over 18-ah run 68 chiah tlinin mi pariat an hloh a, Hunthar batsman-te tan wicket thum latu Dawrpui bowler K. Lalhmachhuana a hnawksak hle.

Dawrpuiin over 9.3 lekah mi pathum chiah hlohin an target an umpha a, chak zawkah an ṭang ta a ni.