FA Cup fifth round : Club lian intum tur an awm lo

Pathianni zan khan FA Cup fifth round fixtures pawh a ni a, Premier League club inhmachhawn tur awm bawk mah se club lian intum tur an awm lo, tiin a sawi theih. Fifth round-ah hian team 16 an la awm dawn a; Manchester City, Liverpool, Manchester United, Newcastle United leh Chelsea/Aston Villa te la dam mah se tumah an inhmachhawn dawn lo.

Champion lai City-in Premier League club Luton an hmachhawn ang a, Man United pawhin Nottingham Forest leh Bristol City chak zawk an hmachhawn dawn. Fifth round lut zinga club tenau ber, Maidstone-in Sheffield Wednesday emaw Coventry emaw chak zawk an hmachhawn dawn. Maidstone hi English football sixth division-a mi an ni a, fifth round lut tur hian Ipswich Town an hneh.