US-in Pakistan hnenah Viper helicopter hralh dawn

US chuan AH-1Z Viper attack helicopter pakua, dollar maktaduai 160 man chu Pakistan a leitir dawn. Hemi hma hian US chuan Pakistan hnena F-16 fighter jet pariat hralh a lo remti tawh bawk.

Pentagon chuan Bell Helicopter hnenah helicopter siamna tur contract hi a pe a, foreign military sales funds hnuaiah heng chopper-te hi Pakistan hnenah pek a ni ang.

Thuchhuah siamin, Defence Department chuan Pakistan hnena helicopter hralh tur chu kum 2018, September thlaah zawhfel hman beisei a nih thu a sawi. Contract siamah hian auxiliary fuel kits pakua hralhna tur pawh a tel a ni.

Nikum April 6 khan State Deparment chuan Congress hnenah sipai thuam thil hrang hrang dollar maktaduai 950 hu Pakistan hnenah hralh a tum thu a lo hriattir tawh a ni.