Wisconsin primary-ah Cruz leh Sanders chak

US President thlanna neih tura Wisconsin primary election neih zawh takah Republican candidate zinga hma hruai mektu, Donald Trump chuan Ted Cruz a hneh zo lo. Democratic party lamah Bernie Sanders a chak bawk.

Wisconsin primary-ah hian Ted Cruz chuan 52% hmuin Donald Trump hian 30% a hmu a, Democrats lamah Sanders chuan 54% hmuin Hillary Clinton chuan 46% a hmu.

Cruz leh Sanders-te hi Wisconsin-ah hian chak mah se, Republican leh Democratic party president candidate zingah Donald Trump leh Hillary Clinton-te chuan hma an la hruai chhunzawm tho a ni.

Trump hian July thlaa party convention neih huna party nominee ni tura delegate neih ngai zat 1,237 aṭangin delegate 736 a nei tawh a, Cruz ai hian 267 in a ngah zawk a, Clinton-i hian Sanders aiin delegate 263 in a ngah tawh bawk.