De Bruyne leh Nasri an dam

Zanin dar 7:30-ah Manchester City-in AFC Bournemouth an lenchilh dawn a, hliam vanga an inlan theih loh reng hnuah City tan Kevin De Bruyne leh Samir Nasri-te chuan chhawr theih turin club training an zawm leh tawh.

De Bruyne hi January thlaa a khup leh a kerek hliam avangin a inkhel thei lo reng a, Nasri hi ṭhal na vangin thla nga zet chu a inlan tawh lo thung.

October 17-a Bournemouth 5-1 a an sawp ṭuma a match hnuhnung ber kheltu Nasri chuan, "Bournemouth hi kan khelmuala inkhelhpui kha chu a awlsam a ni mai thei a, an khelmuala hneh erawh an hautak dawn a ni," tiin an khingpui tur chungchang a sawi.

De Bruyne leh Nasri inhliam dam mah se City tan Joe Hart leh Vincent Kompany-te chu chawn na vangin an la inlan thei dawn lo a, Yaya Toure leh Fabian Delph-te erawh an dam tawh nia sawi a ni thung.