City rorelna FIFA FIFPRO Men’s World 11

FIFA FIFPRO Men’s World 11-ah treble champion Manchester City chuan player paruk ngawt an thawh a, club mal anga player thawh hnem ber an ni - defender John Stones, Kyle Walker & Ruben Dias, midfielder Bernardo Silva & Kevin de Bruyne bakah striker Haaland te an lang.

Kum 20 mi Jude Bellingham pawh a lang a, keeper ṭha ber atan Ederson thlan ni mah se FIFA FIFPRO Men’s World 11-ah chuan Real Madrid goalkeeper Thibaut Courtois a phak lo thung - Courtois hi Vinicius Jr nen Real player lang an ni.

John Stones, Kyle Walker, Bernardo Silva, Jude Bellingham leh Vinicius Jr te chu a vawi khat nan an lang a, Messi erawh vawi 17 a lanna a ni thung - heti zat FIFA FIFPRO Men’s World 11-a lang thei player dang an la awm lo.

Mbappe pawh kum 25 chauh a la ni chungin, a vawi li nan a lang der a, French forward hi a la ropui dawn chauh. Messi bik hi kum 2006 aṭang khan a lang ṭan a, kum 36 mi forward hian a lan hmasak berah hian tlarhmaah Ronaldinho, Samuel Eto’o leh Thierry Henry te chu a kawppui an ni!