Ashley Young-a'n midangte a zirtir

Inter Milan defender Ashley Young chuan coronavirus hri leng chhunga fimkhur turin a fan-te a chah a, mipuite chu bazar-a an chhuak a nih pawha kutkawr bun tur leh an hmelhriat loh chu Covid-19 kai anga en tawp turin a ti. 

Young chuan, "In chhuahnaah kut kawr bun ula, a theih hram chuan in hmai tuam rawh u. Mipui hnaih lo turin fimkhur ula, bazar-naah pawh hmanhmawh luat vanga midang nek fuh lo turin fimkhur rawh u," tiin a sawi. 

Kum 34 mi Young hian January khan Manchester United aṭangin Inter Milan a pan a, Italy-a a season hmasa berah hri leng vangin an buai. 

Italy hi Covid-19 in a tihbuai ber pawl a ni a,  an ram chhungah ringawt he hri leng vang hian mi 6,000 chuang an thi tawh a ni. 



Share this Post

Login to comment
No Comments