Midangte pui turin Mourinho a pen chhuak

Tottenham Hotspur manager Jose Mourinho chuan khelmual pawn lamah pawh chawlh zai a rel lo - London hmar veng lama upa zawkte ṭanpuiin a hun a hmang. 

Coronavirus vangin UK pawh an buai mek a, kum upa lam te chu pawn chhuak lo tura hrilh an ni. Hetiang boruak karah hian pawl ṭhenkhat chuan upa zawkte hi an mamawh chakkhai lam sakin inah an pe ṭhin. 

Chutianga hnathawk pawl Age UK leh Love Your Doorstep-ah te hnathawk turin Mourinho hi a inpe a, Portuguese manager hian kum upa zawk, pawn chhuak thei lote chu an inah ei tur ava pe ṭhin a ni. 

Manchester United, Real Madrid leh Chelsea boss hlui chuan, "Ka tih theih tlemte ka ti ve a ni mai. Online-in ei tur i donate thei a, kan thawh ang thawk turin i inpe ve thei bawk. Thil awlsam tak a ni," tiin a sawi zui. 



Share this Post

Login to comment
No Comments