Borussia Dortmund manager Lucien Favre chuan a player duh lai Jadon Sancho a dahsang hle a, midang chunga leng niin a sawi - England international hi February thla Bundesliga Player of the Month atan thlan a ni.

Kum 19 mi Sancho hian Bundesliga season kal laiah a goal khung leh a siamsak belh khawmin, goal an neih theih nan vawi 28 a inrawlh; Timo Werner leh Robert Lewandowski te nen an goal thawhchhuah zat a inang.

Favre chuan, "A kum ngaihtuah chuan a thil tih hi a mak a ni. Jadon inkhel hi chu khelmual sir aṭang hian hmuhnawm ti takin ka lo thlir mai ṭhin, theihna nei sang leh ṭhiante pui nasa mi a ni," a ti.

February thla bikah khan Sancho hian league goal thum a khung bakah a ṭhiante khung tur vawi thum a siamsak bawk, kum naupangte la ni mah se khelmual chhungah a puitling tawh; European club lian ṭhenkhat chuan lakluh an duh nia sawi a awm.

Share this Post