Coronavirus vangin Azerbaijan Grand Prix chu a hun pangngaiah neih theih a ni dawn lo, car intlansiakna sang ber hi season tir lama inelna neih tur pariat chu ṭhulh leh a hun sawn vek a ni ta. 

June 14 hian Canadian Grand Prix tlan theih tura beisei a ni. Mahse, Canada pawh hi Tokyo Olympic aṭanga inhnukdawk hial khawpin an inkharkhip mek a, an rama inelna lian thlen an duh a rinawm rih lo.

F1 chairman Chase Carey chuan, "Duhthlan tur dang kan nei lo, calendar siamṭhat a ngai dawn a, intlansiak 15 aṭanga 18 vel bawr tal chu neih theih kan beisei, nipuiah tal tlan ṭan hman kan beisei bawk," a ti.

Azerbaijan Grand Prix hma hian - Australia, Bahrain, Vietnam, China, Netherland leh Spain te chuan a hun an lo sawn tawh; Monaco erawh chuan a ṭhulh tawp thung.

Share this Post