Hattrick siamtu Daniel Chima Chukwu

Ningani zan Indian Super League inkhelah Daniel Chima Chukwu chuan hattrick a siam a, Jamshedpur FC chu Hyderabad lakah 5-0 in hnehna a chanpui.

Mikhual Jamshedpur tan Nigerian striker Daniel Chima Chukwu bakah Seiminlen Doungel chuan goal khat khungin, Hyderabad forward Jonathan Moya chuan an lamah a tilut bawk a, 5-0 in Men of Steel an chak.

Hyderabad tan Mark Zothanpuia chuan inkhel bul ṭanin, Ramhlunchhunga chu bench aṭangin a lut a, Jamshedpur tan PC Laldinpuia chuan inkhel bul a ṭan bawk.