L&L Football Tournament 2020

Serchhip DFA hnuaia inelna lian L&L Memorial Football Tournament 2020 chu vawiin hian Complex Field-ah a hmawr bawkna neih a ni dawn a, chhun dar 12:00-ah FC Serchhip Kawnpui leh New Serchhip te an inkhel ang.

Kar hmasa khan semifinal khelh tawh niin, inkhel hmasa zawkah FC Serchhip Kawnpui hian Vengchung FC chu 2-0 in an hneh. Lalramchhuana chuan anmahni lamah a tih luh bakah C. Laldintluanga chuan an goal hnihna a khung bawk. 

Semifinal inkhel hnuhnung zawkah sulhnu nei ṭha New Serchhip chuan Thenzawl Dinthar FC 3-0 in an hneh a, H. Vanlalremruata'n goal hnih a khung bakah  Lalhlimawma chuan goal khat a khung.