Rodgers-a'n Maddison a chhan

Leicester City boss Brendan Rodgers chuan a player James Maddison chhanna thu a chhak chhuak - English midfielder hi Dubai khawpuia zana a leng chhuak lai thlalak phochhuah a ni a, Premier League boruak san lai a nih avangin sawisel a hlawh hle. 

Euro 2020 qualifier-ah nikum October khan England hian Czech Republic an ngam lo a, hemi ṭum pawh hian kum 23 mi midfielder hi pawisa inthapna hmuna a leng chhuak hmuh niin sawisel a ni tawh. 

Rodgers chuan, "Thil vanduaithlak tak a ni, kan awmna khawvelah hian mitin maiin midang kan ngaihven ta a nih hi. Kum 23 mi lek, pawm lai nei lo a ni a, kar khat chawlh a nei bawk. Kawng tinrenga puih kan tum reng a, tuna buaina erawh chuan minti buai ve lo. 

"He hmun ka rawn pan hnua a awm dan aṭang chauh hian kei chuan ka teh thei a, ka tan chuan player duhawm tak a ni - Leicester-a a hun tawn avangte hian a hlim em em a ni," a ti. 

Premier League-a pathumna ni mek Leicester hian zanin dar 1:30-ah Wolves an lenchilh dawn a, table-ah pathumna an ni mek - Wolves hi pakuana ni mah se season thara Europe khelh tum an ni. 



Share this Post

Login to comment
No Comments