
FIFA World Cup U17-ah Germany an champion

FIFA World Cup U17 final chu December 2, Inrinni khan khelh a ni a, player 10-a khel Germany-in penalty shootout hmanga France hnehin an champion. Football ram ṭha tia sawi ṭhin Germany tan World Cup U17 nomawi an chawi vawi khatna a ni.
Manahan Stadium, Indonesia-a final khelhah Germany-in Borussia Dortmund rawlthar Paris Brunner penalty hmangin minute 29-naah hma an hruai a, Barcelona B midfielder Noah Darvich hmangin minute 51-naah an khung belh.
Germany-in 2-0 a hma an hruai hnuah France-in Monaco midfielder Saimon Bouabre hmangin si phurh an sut ṭhen. France goal bawh a na a, Germany midfielder Winners Mark Osawe chu minute 69-naah hnawhchhuah a ni.
France-in an tam zawkna an hmang ṭangkai a, Mathis Amougou hmangin an sut. Mahse, France hian extra time-ah pawh goal dang an khung belh tawh lo a, penalty shootout hmangin chak zawk zawn a ni a, Germany 4-3 in an vannei.
Germnay forward Paris Brunner chuan golden ball a dawng a, Argentina tana goal riat khungtu Agustín Ruberto chuan golden boot a dawng. Pathumna inchuhnaah Mali-in Argentina 3-0 in an hneh.