Match hmasa berah Medvedev chak lo

Rotterdam Open khelh laiah seeded pakhatna Daniil Medvedev chu a match hmasa berah Vasek Pospisil hneh loin a tla nghal, world number 104 hian last 16 inhlangkai tur hian 6-4, 6-3 in hnehna a chang.

World number 5 Medvedev hi tunlai player beiseiawm berte zinga mi a ni a, mahse Nilaini zan inkhelah hian break point vawi ruk a hmuh zinga vawi khat chiah a chhawr ṭangkai theih avangin darkar khat leh minute riat an inkhelh hnuah a tlawm.

Inkhel dangah champion lai Gael Monfils chuan a khingpui Russian tlangval Joao Sousa chu 6-3, 6-2 a hnehin bul a ṭan fuh hle. Kar hmasa maia Montpellier lama hlawhtlinna changtu Monfils hian hnehna chang turin darkar khat leh minute 10 bak a mamawh lo.

Kum 33 mi Monfils hian 2011 hnua a vawi khat nan Rotterdam Open champion zawn thei hmasa ber nih a tum, a match lehpekah chuan Gilles Simon a hmachhawn leh ang - Simon hian Mikhail Kukushkin chu 7-6(3), 3-6, 6-3 in a lo hneh ve thung.



Share this Post

Login to comment
No Comments